ماعاد نبغى في الرواتب زيادة...! ,‘,

[سعودي]

قال الشاعر:

الراس صاير فيـه ورشـة حـداده...................قام يتحلل فيـه مسمـار ...مســـمـــار

قلت الركـاده ميـر ويـن الركـاده............... كنّي مع الحجاج في رمـي الاجمــــار

من عقـب ماجانـا قـرار الزيـاده............ من مجلس اهل الجود وافين الاشبار

كـلٍ مـن الفرحـة بيقـدح زنـاده...............جبنا القروض نضارب السوق وانهـار

وجينا نبي بـس الرجـا والهـواده..................والله وكيلك شبّت اسعارنا .. نـاااااار

والراتـب الماخـوذ جتـه القـراده...........ماينزل الا..صافقه مثـل الاعــــصـار

فاتـورة الهاتـف وعاجـل سـداده........ والقرض والكهرب وتسديد الايـجـار

والتاجـر المليـان جـاب الوسـاده.............يبــــي يوصّـل راس مالـــه لمـلـيـار

والا المواطن صارسهل اصطياده........... جته الهوامير بوسَط غـب الابحار

واصبح نهار وليـل وسـط العيـاده..............مابين طب الراس والقلـب وشهـار

يامـن يوصّـل كــلمتـي للقـيـاده............. لـلحاكـم المحبــوب والوالـــد البـــــار

ماعاد نبغـى فـي الرواتـب زيـاده................الـلي نـبـيـه اليوم تخفيـض الاسعـار

[سعودي]

هذه مشاركة الشاعر : عبدالرحمن عادل الشمري
في اول حلقة من مسابقة شاعر المليون

بصراااحة ابدع في القصيدة
دعواتنا له بالتوفيق باذن الله


للفقر لذة فـي عيـون الهواميـر
شوفوا شلون بفقرنـا شاركونـا

دينارهـم يستنسخونـه دنانـيـر
ولوهو طلبناهم تـرى ماعطونـا

حسرت قليل المال بكفوفهم غيـر
لوهو ذهب يمدي خـذوه وخذونـا

الله لا يجـزى هكالطالـع بخيـر
اللـي عليـه بعافيتنـا حسدونـا

تجمعت شرابت الماء على البيـر
يحليلن عنـه الجماعـة حدونـا

جونا شتات اصفر تخطفهم الطيـر
بلـوى يليـت بشرهـم مابلونـا

طاوع معاهم من لقى دهنت السير
والا وش اللي سكته يـوم جونـا

ذقنا على ايديهم هوان المشاويـر
ضيعهـم الله مثـل ماضيعـونـا

وش صار فينا وش بعد باقي يصير
يافاهميـن السالـفـة فهمـونـا

المشكلـة ياحبـنـا للمعـاذيـر
والناس وصلوا للقمـر وسبقونـا

دايـم نسـوي للخيانـات تبريـر
والظاهر الخاين طلع كـل ابونـا

قصيدة جميلة مع معارضتي للشطر الثاني من البيت الأخير ^_^

[سعودي]

قولوا لبو متعب ترى الشعب مقهـور * *ياخـادم البيتيـن امسـك عصـاهـا

ضاعت فلوس الناس مع كـل هامـور * *ومثلك يعرف البير ويعـرف غطاهـا

من سي لاسوأ وبين عاثـر ومعثـور * *وسهمك 0وهو سهمك رموه بخلاهـا!

كيف اشكي العله علـى كـل دكتـور * *والطب عندك وانـت تعـرف دواهـا

ماخافـو الله خالـق النـار والـنـور * *حتـى الأرامـل شاركوهـا بعشـاهـا

ياقلبـي اللـي فيـه نيـران وحـرور * *ضاقت علي دنيـاي وسكـر فضاهـا

سوقك بلون الـدم باسبـاب مغـرور * *يضغط علـى سابـك وكسـر يداهـا

في عشر اواخر نرجي الذنب مغفـور * *قامـوا علينـا قومـة ٍ مـا وراهــا

واعمار صارت دمهـا اليـوم منثـور * *وخاب الرجاء باعمار واللـي رجاهـا

ياما بنينـا فوقهـا ابـراج وقصـور * *وراحت سدى والسوق دحـدر معاهـا

كم شاب قال ابغى اتزوج مـن الحـور * *وافلس وبيره جف مـا شـاف ماهـا

وكم راعي أسره أصبح الصبح مفقور * *العيـد بكـره واسرتـه مـا كساهـا

وقمت اتفكر وادرس الـراي والشـور * *قلت ازبن لصقر العروبـه .. ذارهـا

بكلمه تجي من عنده اليـوم مسـرور * *والسوق يرجع عشب يـروي ظماهـا

يادرعنا لا صـار بالكـون عاصـور * *كم صرخـة ٍ للنـاس تسمـع صداهـا

يالحر 00 يابن الحر 00 والحر مخبور * *قاد الحـرار الشامخـه فـي سماهـا

ما يلحقك يا سيـدي شـك وقصـور * *لكـن رسالـه ياصـلـك محتـواهـا

انـك ابونـا والرجـا فيـك موفـور * *عدلـك شمـل كـل الديـار وغشاهـا

جوني يعزوني على السـوق ماجـور * *قلـت البقـا بالشيـخ يطفـي لظاهـا

ويرد لون السوق عشبـي ويخضـور * *مثـل علـم دار السعـود وصفـاهـا

خيرك عميم وشاكر النـاس مشكـور * *ومـزن الحيـا عـم البـلاد وسقاهـا

انت الرجا بعد الولـي تدفـع الجـور * *واسلم عساك تـدوم وتحمـي حماهـا

[دليل]

صح لسانك ولسان الشعراء

ومع ذلك نبغى في الرواتب زيادة *** زيادة رواتب مهما حصل ومها صار

[صوت الدليل]

كل واحد قام يردد مطولك يالليل

حياك ابو زياد وصح لسانك

[ام عصام]

صح الله لسانك يا استاذنا الجليل

نبي زيادةرواتب + تخفي الأسعر
رحت اشتري بطارية للسيارة لقيت سعرها من 75وصل الآن 320 ريال ايش رايكم والله بتوصل اسعارنا مثل الإمرات يقولون سعر الغاز وصل 80 ريال وشكراَ

[سعودي]

صح الله لسانك يا استاذنا الجليل

نبي زيادةرواتب + تخفي الأسعر
رحت اشتري بطارية للسيارة لقيت سعرها من 75وصل الآن 320 ريال ايش رايكم والله بتوصل اسعارنا مثل الإمرات يقولون سعر الغاز وصل 80 ريال وشكراَ



هههههههههههههههههه



الله يكون بالعون يأم عصام


بس لوشفتي رواتب الامارتيين والتسهيلات المقدمه لهم كان قلتي عادي لووضل الغاز 200

المشكله بنا يالغلابه الله يكون بعوننا


وازيدك من الشعر بيت البن والحليب جايهم الدور بالزياده وارتفاع اسعارهم ياغاليه



حسبي يالله على مجلس الشورى هو السبب بما يعانيه الشعب السعودي وتفشي الفقر بشكل غير لائق